El galipote vuelve a Galicia

El galipote entafarró ayeri otra vuelta la costa gallega. Una micromarea negra llegó'l sábadu a la costa vecina, posando d'entós p'acá grandes cantidaes de fuel en tola fastera atlántica gallega dende Fisterra a Vigo, dañando muncho les playes de Carnota, Louro, Corrubedo o Lanzada con manches d'hasta metru y mediu de tamañu. L'alministración yá movió a les brigaes de Tragsa pa llimpiar el galipote

Según fontes de l'asociación ecoloxista gallega ADEGA, el comisionáu estatal pal Prestige diz que la mancha vieno d'un vaciao de sentina d'un barcu que pasó enfrente la costa, pero'l volume de la perda de fuel fai camentar a miembros d'ADEGA nel pasu enfrente de la costa d'un barcu que perdiere fuel a espuertes, anque tampoco se descarta que seya del Prestige. Los efectos d'esta nueva marea prieta nun tardaron n'apaecer, y los ecoloxistes gallegos dicen que solo en 24 hores apaecieron sobre 150 páxaros dañaos pol galipote.
Más información nel portal gallegu Vieiros