El galipote del Prestige raspia la costa asturiana

Les consecuencies del desastre del petroleru Prestige afecten cada vez a más kilómetros de costa conforme la mar y l'aire van espardiendo les manches del fuel que carretaba'l barcu, del que les autoridaes portugueses afiten que sigue saliendo petróliu. La marea negra púnxose ayeri a l'altura de la Estaca de Bares, llinia imaxinaria que separta l'Atlánticu del Cantábricu, y hacia les dos de la tarde, la catástrofe tocaba, de momentu de refilón, la costa asturiana. Dos pesqueros que trabayaben al norte de Tapia, rayando casi con Galicia, dixeron qu'alcontraron manches de galipote na mar, una noticia que vien a cofirmar el mieu col que volvieron los ecoloxistes asturianos qu'ayeri visitaron Galicia y anduvieron pa la parte del occidente.

Esti grupu d'asturianos, organizaos alredor de Los Verdes - Izquierda Verde d'Asturies, quieren facer tamién un garapiellu de voluntarios asturianos pa dir a andechar nel llabor de llimpieza de la costa gallega. Pa contactar con ellos, pues atropar más información na so web. Pa tar al tantu de la última hora sobre'l desastre del Prestige, nun dexes de ver l'especial del portal gallegu Vieiros.