El fueu quemó 3.500 hectaries hasta agostu

El fueu quemó, hasta'l mes d'agostu, 3.520 hectárees n'Asturies, 447 d'elles de superficie arbolao. 1.572 foron los fueos que se declararon nos primeros 8 meses del añu, correspondiéndo-y al mes d'agostu 132 fueos, una cantidá menor que la del añu 2003 y que baxó mas los númberos de la estadística de fueos, dempués de que nos primeros meses del añu la reducción respective al 2.003 fuere espectacular

Febreru, un mes en que cásique nun llovió y en que se rexistraron díes d'alta foi'l mes d'iviernu en que más dañó'l fueu'l suelu asturianu, declarándose 511 fueos, mientres qu'abril foi'l peor mes de la primavera. En conxuntu los datos dan pal optimismu, y ye que mientres que nos primeros 8 meses del 2003 quemaren 4.853 hectaries, esti añu namás se lleven 3.520, un 27% menos, anque entovía queda per delantre setiembre, un mes que, de siempre, ye de los que más dañu fai'l fueu. Sicasí, el record positivu de la estadística del fueu sigue nel añu 2001, cuando namás prendieron, en tol añu, 2462 ha. Mientres qu'ente los años prietos de la última década rescampen 1997 y 2000, dambos con más de 15.000 hectaries abrasaes