El fíu de John Lee Hoker vien a Xixón

John Lee Hooker Jr, fíu de la famosa lleenda del blues John Lee Hooker, va dar el 17 de marzu qu'entra un conciertu que va celebrase na sala Albéniz de Xixón. El músicu americanu va presentar ellí'l so discu "Blues with a vengeance" un trabayu fechu según diz l'artista "p'andar colos mis zapatos dempués de pasar munchos años enllenando los de mio pá". Les entraes cuesten 15 euros l'anticipada, que pue mercase en tiendes tipo, llibrería Paradiso y Café Louie de Cimavilla y 18 nel ventanu del Albéniz el día de l'actuación.