El Firefox 4.0 de Mozilla, disponible en llingua asturiana gracies al trabayu de Softastur

|

Softastur ta acabante d’anunciar la xubida a la rede de la versión 4.0 del Firefox de Mozilla. Esta versión nueva del restolador web ta disponible en llingua asturiana de baldre pa tolos sistemes operativos.
 
Tres trés años de trabayu, esta versión del restolador web más usáu y emblema del software llibre n’Europa yá ye una realidá. Los usuarios van poder disfrutar d’un programa íntegru n’asturianu que destaca poles sos meyores nel ‘interface’: llingüetes d'aplicación y posición nueva superior na ventana, un xestor visual de páxines
‘Panorama’, una disposición nueva de complementos y una barra de direiciones intelixente.
 
Por contra, dende Softastur aseguren que “les novedaes non visibles al usuariu son entá mayores” que les que tán a la vista. Estes meyores convierten al restolador “nun navegador llixeru qu'anicia muncho más rápido que'l so predecesor, con sofitu nativu pa WebM, WebGL 3D y el nuevu HTML5, sincronización preinstalada de marcadores, historial, contraseñes... Les persones que quieran instalar la versión portable del Firefox 4.0 n’asturianu pueden facelo pinchando nesti enllaz. Mentes, los que prefieran l’orixinal van atopalu nesti otru.

Comentarios

Pa la versión n'asturianu, meyor nesti otru enllaz: http://www.mozilla.com/ast/firefox/

Saludinos

--

Xuacu

Contador Estadistiques