El Festival de cine programa otra edición del concursu de documentale pa mozos

L'éxitu de la Primer Edición del Concursu de mozos y moces productores cinematográfiques "Nun mos cuentes películes, ¡failes!", llevó a los organizadores del Festival Internacional de Cine de Xixón, Conseyu de la Mocedá del Principáu d´Asturies, Ciudá Tecnolóxica Valnalón y Telecable a poner en marcha uan segunda edición pa esti añu 2005.

El proyectu pretende "fomentar la capacidá d´iniciativa, la creatividá, el trabayu n´equipu y l´espiritu emprendedor ente la mocedá asturiana". Siguiendo les directrices de la Unión Europea escoyóse´l cine como representante d´una industria creativa na que los y les xóvenes puen facer la transición de participar como consumidores a tresformase en profesionales del sector.

La modalidá escoyida ye´l documental, y asina los participantes han presentar proyectos pa la realización de documentales baxo´l prisma de la realidá de los xóvenes y del so entornu. Los proyectos ganadores van tener como premiu l'accesu a los medios técnicos pa la realización del documental y la so presentación na próxima edición del Festival Internacional de Cine de Xixón. En cualquier casu, el plazu de presentación de proyectos acaba´l 29 d´abril de 2005.

Más información na web del Festival de Cine