El faru d'Iyán

Depués d'un añu llargu de preparación, la primer serie de debuxos animaos n'asturianu va presentase esti miércoles qu'entra nun actu públicu que va facese primero de qu'entame la emisión normal de la serie.

Según pudo saber Asturies.com, los trabayos de doblaxe al asturianu de la serie de debuxos animaos norteamericana "El faru d'Iyán" remataron yá y la cadena particular Teleasturias cuenta con enxertala na so programación pa dientro bien poco. Parez que "El faru d'Iyán" camienten ponela n'horariu de tarde nueche, ún de los que más audiencia tienen y nel que tola familia suel coincidir énte'l televisor, lo que diz muncho del enfotu que ponen dende Teleasturias nesti proyectu. Dau el calter especial d'esta serie, la primera que va emitise n'asturianu dafechu per una cadena del país, los responsables de Teleasturias tienen preparáu un actu de presentación de la serie pa esti miércoles qu'entra nos cines del centru comercial "Los Prados" d'Uviéu, nel qu'esplicarán como foi el procesu y proyectarase una amuesa de la serie.