El FAPAS denunció en fiscalía l'afayu de trampes pa prindar osos en Somiedu

El Fondu Asturianu pa la Protección de los Animales Selvaxes (FAPAS) punxo denuncia ayeri énte la Fiscalía de Mediu Ambiente l'apaición de cinco trampes pa osos dientro del Parque Natural de Somiedu.

El presidente del FAPAS Roberto Hartasánchez esplica que, amás d'en Somiedu tán investigándose otres zones por si s'alcontraren más llazos pa prindar osos como los que se recoyeron, que podríen con exemplares de más de 200 kilos.

El presidente del FAPAS, que recordó que nel llugar au s'alcontraron los llazos yá se dieron a primeros de los años 90 casos de furtivismu, esplicó que les trampes apaecieron nuna zona onde se conseñó la presencia d'oses y d'esbardos dempués d'años ensin osos nel llugar. El FAPAS denunció igualmente l'apaición de trampes pa los osos nos montes d'Ibias dempués de les batíes de control que fixeron nel conceyu miembros del Fapas, de la Sociedá Astur de Caza y del Seprona de la Guardia Civil.