El DMR presenta trés actividaes en La Llegra

|
Charra CSI falses autónomes en La Llegra

Darréu programa dos pa esta fin de selmana, cola tercera prevista pal vienres viniente.

El Día de la Mocedá Revolucionario (DMR) torna a concentrar nel Llar La Llegra toles actividaes. Les xornaes n'homenaxe a los revolucionarios d'Ochobre del 34 presenten nesta ocasión trés conferencies nel llocal uvieín y aplaza hasta a una edición próxima la organización del conciertu 'Asturies nun escaez'.

L'académicu Pablo Rodríguez Medina va abriles mañana, a les 17 hores, cola charra 'Oficialidá y reforma l'estatutu ¿Qué vien agora?', pa dar continuidá a una xornada marcada pola manifestación pola oficialidá del asturianu y del gallego-asturiano qu'entama la Xunta pola Defensa de la Llingua Asturiana al meudía na Estación del Norte. Yá'l domingu, va tener llugar un alcuentru multicultural asturianu-saḥaraui con vermú y xinta de magar les 12.30 hores, nel que los asistentes van poder conocer qué ta pasando nel Saḥara Occidenta de primer mano gracies a miembros de la Comunida Saharaui Residente en Asturias (COSARA).

Va completar esta edición del DMR la intervención 'Fuelga de Fame n'EBHI, la última llucha nel puertu', a cargu de Fernando González, el vienres viniente a les 19,30 hores. El trabayador, ún de les persones que fixo fuelga de fame en defensa del emplegu de 7 compañeros, va esplicar al detalle los socesos de la protesta y el so contestu.

Na semeya, un momentu de la charra que punxo la Corriente Sindical d'Izquierda (CSI) sobre les falses autónomes na edición pasada del DMR.

Contador Estadistiques