El diariu dixital gallegu Vieiros cumple diez años

El diariu dixital gallegu Vieiros recibe güei a los sos llectores con una antoxana especial na que celebren los sos diez años en constante desarrollu dientro de la rede. Son yá diez años nos que l'equipu profesional que lleva alantre esti proyectu informativu en llingua gallega demostró les posibilidaes d'internet pa esparder y normalizar una llingua minorizada como ye'l casu del gallegu, fechu que prueben los más de 25 millones de visites que lleven acumulaes nesti tiempu. Dende Asturies.com queremos facer llegar la nuestra felicitación más sincera a la xente de Vieiros, que naquel tiempu en qu'internet yera un mundu por descubrir, echó un gabitu importante pa que'l 3 de febreru de 1997 entamare la esperiencia d'Asturies.com. Vieiros foi tamién aquel día ún de los medios que recoyeron la noticia de la nuestra estrena oficial.