El Día d'Asturies va facese en Navia

Los actos oficiales del Día d'Asturies van celebrase esti añu 2007 en Navia, onde, ente los díes 7 y 8 de setiembre, el Gobiernu asturianu va instalar un mercáu astur con cerca de 70 puestos, una Feria de Productos Asturianos y una esposición d'instrumentos de música asturianos. Baxo'l lema "volver a occidente" les celebraciones van contar tamién con una Feria del llibru y del discu n'asturianu, una iniciativa qu'entamó en Pravia va trés años y que nesta edición va contar cola presencia de diez puestos.
La parte musical de la celebración van ponela el cantante Toli Morilla y los grupos Los Llanzones , Los Redentores, Felpeyu y Tejedor, participando tamién nos actos los grupos de folklore Sulabarda, Na Señardá, Aires de Asturias y Escontra'l Raigañuy les bandes de gaites La Reina'l Truébano, Villa de Xixón y La Magüeta. Música d'otru xeitu va llevar la Orquesta Sinfónica Moza del Principáu d'Asturies mientres que l'Asociación d'Intérpretes de Canción Asturiana va facer un recital de tonada.