El CSA La Llume pon en marcha un Aula Popular

Busca ser un espaciu d'aprendizaxe, d'ayuda al estudiu, de deporte y de socialización alternativa destináu a escolinos y escolines.

En concreto, los beneficiarios son los estudiantes de Primaria y Secundaria, basándose na "educación popular y la solidaridá", espliquen dende'l xixonés Centru Social Autoxestionáu La Llume. Esti proyeutu echaría a andar a la par que'l cursu escolar.

La Llume fai un llamáu a la ciudadanía pa collaborar en cualquesquier estaya d'esta iniciativa. Pa ello ha de ponsese en contautu colos responsables del Aula Popular al traviés de les redes sociales o del corréu electrónicu cslallume@gmail.com.