El Conseyu de Gobiernu aprueba la convocatoria de 125 places docentes

La ufierta pública d’emplegu d'Asturies nel 2011 va ser de 174 places. El Conseyu de Gobiernu aprobó la convocatoria de 125 places docentes, lo que supón un cambiu d'opinión tres la decisión primera de nun convocar oposiciones.
 
D’estes 125 places, 118 son pa maestros y siete pa inspectores d’enseñanza primaria. El resto de la ufierta pública nacional anunciada esti xueves compónse de 23 places de médicos de familia del Serviciu de Salú d'Asturies (Sespa) y 26 d'auxiliares d'enfermería del organismu autónomu ERA. En tou casu, nun se traten de places nueves, sinón de places que nesti momentu ocupen interinos, según esplicó la conseyera d'Alministraciones Públiques y Vocera del Gobiernu, Ana Rosa Migoya.
 
“Trátase d'una convocatoria mui amenorgada y determinada a la organización de servicios nuevos nel ámbitu de la sanidá, la educación y la política social", comentó Migoya. El concursu-oposición d’Educación podría celebrase nel mes de xunetu.