El Conseyu de Gobiernu aprebó inversiones nel patrimoniu arqueolóxicu asturianu

El Conseyu de Gobiernu d'Asturies aprebó na so xunta d'ayeri una serie d'inversiones nel patrimoniu asturianu por importe de más de 600.000 euros.

180.000 euros van dir pa poner en condiciones la cueva d'Avín, en conceyu d'Onís. La actuación inxerse dientro del Plan de la Prehistoria del Oriente y va permitir tamién lacreación d'un centru de Descubrimientu de la Fauna Glaciar onde va presentase la fauna que conocieron los primeros pobladores d'Asturies. Otros 120.000 euros van dir al monumentu del Peñatu en Llanes, col oxetivu de dar a valer los sos restos del periodu neolíticu.Les perres van invertise en facer un centru interpretativu del monumentu. P'acabar, otros 300.000 euros van dir a la firma d'un Conveniu con el Conceyu de Pravia pa la construcción y equipamientu del Aula de Santianes, llugar onde s'asitia la ilesia que llevantare'l Rei Silo y que va empobinase a dar a conocer l'arte prerrománicu amás d'axuntar toles pieces d'aquel tiempu que se conserven en conceyu y que tan agora mesmo guardaes en precario.

D'otra manera, va firmase güei en Santillanadel Mar (Cantabria) un protocolu que baxo'l nome "Rede Europea de Primeros Pobladores y Arte Rupestre" va echar a andar un itinerariu cultural européu nel que los exes van ser la prehistoria y l'arte rupestre del suroeste européu, cola participación d'ocho rexones d'España y Francia qu'axunten asinae sfuerzos pa dase a conocer en toa Europa y ganar a efectos turísticos, anque tamién va valir como un puntu más al favor de la candidatura que defende la declaración de l'arte prehistóricu del cantábricu como patromoniu de la humanidá. Siete yacimientos asturianos entren a esti protocolu nel que participen Ariège, Cantabria, Castiella y Llión y Castiella-La Mancha, la Comunidá Valenciana y Andalucía.