El Conseyu de Gobiernu aprebó definitivamente’l Plan de Normalización

Ente los puntos que se trataron nel Conseyu de Gobiernu d'esta mañana tuvo'l de l'aprobación definitiva del Plan de Normalización social del asturianu, que yá recibiere'l preste del órganu del executivu asturianu va agora una selmana y qu'agora tien tamién aprebaes les sos partíes económiques y demás disposiciones complementaries. El presupuestu que va acutase finalmente pal plan ye de 25.499.436 euros, 4.242.596.161 de les antigües pesetes.

El plan va pasar agora a la Xunta Xeneral del Principáu, órganu del llexislativu asturianu que va poder emitir les proposiciones adicionales al plan que-y abulten oportunes, ensin qu'ello afectea la so entrada en funcionamientu.