El Congresu de la FSA remata con un sofitu relativu a la executiva de Javier Fernández

Si a la hora d'escoyer otra vuelta a Javier Fernández como secretariu xeneral de la FSA-PSOE el 92% de los delegaos en XXIX congresu de la FSA-PSOE votaron al favor d'elli, la so propuesta d'executiva namás recibió un 71% de votos al favor (263 contra 106 en blanco, en cuantes que nun se pue votar en contra).

Los 106 votos en blancu estremáronse en dos sectores. D'una parte, los delegaos del SOMA-UXT, que vieron con disgustu que la propuesta d'executiva nun contemplaba la entrada d'Esther Díaz, l'alcaldesa de Llangréu, que llevó'l premiu de consolación de ser ún de los siete representantes de la FSA na . D'otra parte, los de l'Agrupación Socialista d'Uviéu, que tampoco nun enxertó a nengún de los sos favoritos na llista oficial.

El congresu de la FSA espeya nes sos conclusiones una referencia enxertada poles Mocedaes Socialistes a la normalización del asturianu, como adelantamos n'Asturies.com esti mesmu sábadu. Más información nesta noticia