El conceyu de Noreña estrena web

El Conceyu de Noreña ta acabante de presentar la so páxina web municipal.

Noreña yá tien el so sitiu oficial na rede d'internet al traviés de la páxina web del Conceyu. Nella podemos alcontrar los conteníos habituales nuna web municipal, información sobre corporación, una sección d'actualidá con noticies del conceyu, amás d'una zona de descargues onde tán disponibles ordenances y alcuerdos tomaos pol Conceyu. Amás la web tamién ufierta abonda información turística de Noreña p'ayudar a los turistes que s'averen a esti conceyu al traviés de la rede. Con too y con ello, la web nun ufierta la posibilidá de facer pagos de tases municipales per internet, y nun ta disponible una versión de la mesma en llingua asturiana.