El conceyu de Mieres entrega’l Teodoro Cuesta

Los autores Pablo Texón Castañón Y Pablo Rodríguez Medina reciben esti xueves de manes del alcalde de Mieres Luis María García, el premiu de poesía "Teodoro Cuesta", el más importante que s'entrega na poesía en llingua asturiana y que los dos creadores merecieron polos sos poemarios "la culpa y la lluz" y "aires de mudanza". La entrega va facese al pie de la estatua de Teodoro Cuesta asitiada na Plaza La Pasera de la villa de Mieres del camín a les 7 de la tarde
.

Nacíu en L'Entregu, Pablo Rodríguez Medina ye llicenciáu en filoloxía y axunta nel so historial premios como'l de novela Xosefa Xovellanos pola obra "L'Arna de San Atanás" o'l de creación lliteraria de l'Academia de la Llingua Asturiana, que consiguió cola obra "Les Vueltes, toles vueltes". Pela so parte, Pablo Texón Castañón (Felechosa - Ayer) ye tamién filólogu Na so carrera lliteraria algamó dellos premios como'l de la Tertulia El Garrapiellu, Fernández Lema, Cartes d'Amor, Art Nalón o'l Nené Losada Rico. Tien espublizaos llibros como Catedral. Amás, ye militante de la Xunta pola Defensa de la Llingua Asturiana.