"El conceptu xeneracional" a debate n'Uviéu

"El conceptu xeneracional" ye'l llema d'una xunta d'escritores que se celebra dende ayeri y hasta mañana na Biblioteca del Campu San Francisco d'Uviéu

Ánxel Álvarez Llano abrió ayeri esta Xunta d'Escritores qu'organicen ente otros l'autor Xaviel Vilareyo. Baxo'l títulu "Sieglu XXI, tiempu de renovación xeneracional na poesía asturiana" la ponencia d'Álvarez Llano entamó trés díes d'aportaciones alredor del conceptu de xeneraciónb aplicáu a la lliteratura. Pablo Rodríguez Medina, con "Xuicios, prexuicios y ausencies na
narrativa asturiana d'anguaño"y el mesmu Xaviel Vilareyo y Villamil cola conferencia "Un apunte sobre la poesía ética" completaron una primer xornada qu'echó'l piesllu con un recital poéticu pal que taben convocaos Chechu García, Llucía Fernández Marqués, Ana Vanesa Gutiérrez, Pablo Rodríguez Medina, Xuan Santori, Pablo Texón yXaviel Vilareyo.


El programa pa güei entama cola ponencia de David M. Rivas "Lliteratura asturiana, polítiques,
crisis y reivindicación". Ello va ser a les 5 de la tarde, siendo a les 6 el turnu pa Humberto González García col yá de mano polémicu títulu "Grupos, tendencies y miseries na última poesía asturiana" una comunicación curtia de media hora tres de la que Xuan Santori va falar sobre "Un cientu d'opiniones alrodiu de la poesía del Surdimientu". La xornada remata les 7 y cuartu con un nuevu recital poéticu al cargu de d'Ánxel Álvarez Llano, Ana Fernández Marqués, Esther García, Felisa Granda, Humberto González y Helena Trejo.


Josep María Mas i Bigas abre la xornada final del miércoles cola conferencia "Literatura y represión lingüística" que complleten Xosé Antón García Fernández con "Averamientu al teatru
n'asturianu d'anguaño" y Ánxel Rodríguez Moreno que va falar sobre "Periodismu, llingua y
medios de comunicación" siguiendo a ello un coloquiu con dellos periodistes asturianos. L'aportación final d'esta Xunta d'escritores va facela Helena Trejo Fombella col títulu "Dende entós hasta anguaño" rematando too ello con una folixa nel Chigre "El Naranco" (C/San Xosé 8)