El Centru Asturianu de Madrid premia a Xabiero Cayarga

Esti día 15 d'avientu fallose'l premiu de rellatu curtiu n'asturianu
qu'otorgó'l Centru Asturianu de Madrid. El xuráu del Centru Asturianu formáronlu

D. David Rivas, Pilar Riesco y José Álvarez Alba, quien acudió en
representación y col votu delegáu de D. Xavier Vilareyo, que
nun pudo acudir por cuestiones personales. Consuelo Vega, que participaba en representación de la Conseyería Educación y
Cultura'l Principáu d'Asturies, Xosé Bolado, representando a l'Academia de la Llingua Asturiana, y D. Pablo Manzano, representando al Conseyu de Comunidaes Asturianes.

El premiu Xosé Álvarez Fernández de Rellatu Curtiu, dotáu con 1.500 euros y diploma, foi pa la obra Bumerang
del canguesu Xabiero Cayarga,

autor de célebres noveles como El boleru de Xabel mientres que l'accésit Xosé León Delestal llevolu la obra Cartes de la Señaldá d'Arturo Somoano, un escritor asturianu abondo nuevu nacíu en conceyu de Parres y que vive anguaño na capital del Reinu.