El Centru Asturianu de Madrid celebra’l Día d’Asturies esti domingu

La gran cantidá d’asturianos emigraos en Madrid van poder celebrar esti domingu el Día d’Asturies en ‘Quinta Asturias’. La sede del centru asturianu de la capital castellana va acoyer delles actividaes, actuaciones musicales y una espicha.

Alberto Tirador Martínez, alcalde d’Illas, va ser l’encargáu de lleer el pregón del ‘Día d’Asturies en Madrid’, pa depués celebrar misa y una procesión. Darréu, principiarán la gran cantidá d’actividaes previstes a la lo llargo del día: competición de bolos, rana y petanca; actuaciones de les agruapaciones artístiques del centru; y una espicha. Pa finar la xornada, el grupu musical asturianu ‘Pandora y Asteriscos’ va amenizar la romería.

La entrada a ‘Quinta Asturias’ pa participar na celebración nel ‘Día d’Asturies en Madrid’ ye llibre. Amás, los asistentes van poder mercar productos asturianos nos puestos instalaos nel llugar.