El Caudal yá ye equipu de Segunda División B

|
El Caudal yá ye equipu de Segunda División B

Derrotó 1-0 al Haro pa poner el definitivu 3-0 nel global. L'Urraca y el Rayo, que dependíen de los mierenses, eviten el descensu.

Nun partíu seriu de los d'Iván Ania, el Caudal certificó un ascensu a Segunda División B que yá tenía encarriláu del choque d'ida en La Rioja. El tantu de Javi Sánchez nel minutu 19 ayudó a dar tranquilidá a los llocales énte un rival que recibió siete marielles mientres el choque y una collorada direuta, a Cerezo, nel 78.

Al final, allegría en Mieres tres una temporada espectacular que tuvo como borrón únicu la eliminación a manes del Boiro na ronda de ganadores. Tamién pudieron respirar en Posada de Llanes y en Santa Marta Carbayín, yá que tanto Urraca como Rayo Carbayín necesitaben un ascensu asturianu pa continuar en Tercera y Preferente, de manera respeutiva, dao l'arrastre que produxo'l descensu del Sporting B.

Na semeya, la plantiya yendo a la fonte a celebrar l'ascensu nun autobús urbanu a falta d'ún descapotáu.

Contador Estadistiques