El cantautor Toli Morilla presenta esta nueche en Xixón “Nueche d’insomniu”

"Nueche d'insomniu" ye'l proyectu más personal na carrera del cantautor asturianu Toli Morilla, que baxo la etiqueta de "art-folk" presenta un proyectu musical qu'amiesta los cantares del cantautor xixonés con testos de escritores asturianos n'asturianu, ente ellos María Teresa González, Teresa Lorences, Rosa Taurán, Xulio Vixil, Manfer de la Llera, Xandru Fernández o Antón García. En cauna de les representaciones del espect´culu Toli Morilla cuida siempre muncho la escenografía, lo que fai de Nueche d'Insomiu un proyectu vivu, que casi se reinventa pa cada conciertu, y ello ye que l'actuación d'esta nueche nun va ser menos.

Col marcu de fondu del antiguu Hotel Madrid, na Plaza l'Ayuntamientu de Xixón, el mesmu Toli Morilla fai un convite especial a tolos sos seguidores y da anuncia nel so weblog de que "nesti ecuador de lluz, empapáu col mugor de les vacaciones d'otros, col deseyu d'alcontrate y reconocete y que tu faigas lo mesmo...espérote esti vienres a les diez de la nueche nel Hotel Madrid, onde tengo reservaes unes habitaciones, a les que pues entrar y salir ensin órdenes establecies"