El Cantábricu alborez estráu de galipote

Les playes de Xixón apaecieron ayeri entafarraes de galipote, llegando a sacar la empresa municipal de llimpieza más de tres tonelaes de fuel d'elles. La llegada de galipote a Xixón, que vio tola xente que pasaba per San Llorienzo y L'Arbeyal, nun ye namás que la parte más pública de la marea prieto, que parez que resucita estes selmanes con fuercia. Según voluntarios de la Coordinadora Ornitolóxica Asturiana, la playa de Carranques (Carreño)
salieron 400 kilos y nel puertu de Llastres pañose una tonelada. Los datos oficiales acabantes d'apurrir pol Principáu falen de 114 tonelaes de galipote recoyíes dende'l 1 de xunu.

Aparte de les playes afectaes n'Asturies, el galipote pósase per tol cantábricu llegando hasta la punta más oriental. Euskadi conoció tamién ayeri l'ataque de les galletes prietes, pañándose nun solu día cerca de tonelada y media pela ridiada de Donosti, con casos como la playa de Gros, onde apaecieron 350 kilos de "galipote puro" al dicir de los vascos, mientres que n'tzurun, en Zumaia, salieron 2.600 kilos. En total, los servicios de llimpieza vascos retiraron ayeri 6.000 kilos de galipote, según datos oficiales.