El canibal más recurrente torna a les pantalles

El canibal mas famosu del cine, Hannibal Lecter, regresa una vegada mas a
les carteleres del nuesu país. Esta vez adientrámonos nos sos
oríxenes cola película "Hannibal. el origen del
mal", que cuenta la so neñez traumática na Europa del

Este durante la Segunda Guerra Mundial, na que nos dies finales de la guerra
tien que ver como asesinen xabazmente a los sos pas. Depués de pasar per
un orfanatu, acaba estudiando medicina en Francia onde va vengase de los
asesinos de los sos pas y onde entama la so carrera criminal. Baxo la
dirección del británicu Peter Webber, al Hannibal Lecter mozu
interpretalu l'actor francés Gaspard Ulliel, al qu'acompaña como
protagonista l'actriz china Gong Li, a la que yá pudimos ver n'otres
pelicules como "Memorias de una gheisa" o "Corrupción en
Miami". Otra de les estrenes de la selmana trai a les pantalles un thriller
español dirixíu por Rodrigo Cortés entituláu
"Concursante". Nesta
pelicula l'actor arxentín Leonardo Sbaraglia interpreta a Martín
Circo Martín, profesor mozu d'Historia de la Economía, que ta
acabante de convertise nel ganador del mayor premiu na historia de la
televisión: más de 3 millones d'euros en premios de toa triba.
Sicasí, bien llueu descubre que ser millonario ye caro, que nun tien el
dineru pa permitise los premios y que facienda reclama-y la metada de les
ganancies. Casi ensin decatase, Martín vese nuna trampa ensin salida,
intentando vender tolos premios que ganó. Mas novedaes
cinematográfiques na nuesa
cartelera.