El candidatu del PP por Llaviana y la candidata socialista por Uviéu comprométense a crear servicios de normalización

La candidata socialista a l'alcaldía d'Uviéu, Paloma Sainz, comprometíase ayeri a llevar alantre pal conceyu midíes de promoción de la llingua asturiana y participar de les polítiques de promoción llingüística que lleve alantre'l Gobiernu d'Asturies. La puesta en marcha, d'un Plan de Normalización Sociollingüística executáu al traviés d'una Oficina de Política Llingüística conviértese asina nun de los puntos programáticos de l'aspirante socialista a la capital asturiana.

D'otra manera, dende la Cuencal'l Nalón, el candidatu de la otra opción mayoritaria asturiana, el PP, a l'alcaldía de Llaviana, José María González, decidióse tamién a entamar camín nesta mesma llinia política , inxertando nel so programa electoral la promesa de creación d'un Serviciu de Normalización del asturianu.