El Campus de Mieres estrénase con Folk

Esta selmana son los actos d'inuguración del nuevu "Campus de Mieres", y ente la llarga llista d'actividaes topamos dos conciertos de Folk.

El primer conciertu sedrá esti vienres 14, nel actuarán "Luar na Lubre", el grupu gallegu famosu pol tratu que tienen col compositor Mike Olfield, fai bien poco que presentó'l so últimu discu "Espiral". Xunta ellos actúa "Liliana Castañón Quarteto". El conciertu entamará a les 20:00 la nueche nel aparcamientu del campus de Mieres. El día depués nel mesmu sitiu y la mesma hora actuarán "Ástura", bandina formada por Michael Lee Wolfe, Alberto Varillas, Marga Lorences y Manuel Cordero que presentó discu esti añu col nome de "Tradición". Depués, como traca final, tocará Llan de Cubel, que siguen col proyectu de grabar les sos actuaciones pa un próximu discu en direutu. Pa ver coses na rede sobre Llan de Cubel, amás del web oficial convidámosvos a que visitéis esta web fecha por un aficionáu al grupu.