El caberu gallu montés

La directora del Parque Nacional de los Picos d'Europa, Victoria Delgado, reconoció ayeri que, na parte asturiana del parque, namás se sabe de la esistencia d'un exemplar de gallu montés, lo que confirma'l retrocesu d'esta especie emblemática de la fauna asturiana. El gallu montés dase tamién en tola fastera cantábrica, y lo cierto ye que ta nun peligru estremu d'estinción en toa ella. Esta web apurre datos sobre la mengua espectacular de población del gallu montés en toles comunidaes del norte peninsular, como na vecina Cantabria, onde ta pa desapaecer. Ente los factores que contribuín a la estinción del gallu montés tan, aparte de la caza, la invasión d'otres especies como'l xabalí del so hábitat y tamién el cambéu climáticu, al que'l gallu montés paez enforma sensible.

Contador Estadistiques