El Brasil quier facer sidra

Representantes de cinco cooperatives agropecuaries del estáu brasileñu de Santa Catarina visitaron estos díes empreses asturianes pa conocer el procesu productivu de la sidra y tola industria rellacionao cola mazana.

Los cooperativistes brasileños de Santa Catarina, tercer economía más fuerte del Brasil, echaron dos díes conociendo les empreses asturianes del sector agropecuariu, interesándose sobremanera poles rellacionaes cola sidra y la mazana, y ye que Santa Catarina ye ún de los mayores productores de mazana d'América del sur. Tres d'esti primer alcuentru organizáu pola Cámara de Comerciu de Xixón, les cooperatives brasileñes van mandar técnicos pa estudiar posibles alcuerdos con empreses asturianes del sector.