El branu baxa'l paru

Asturies ye la comunidá autónoma onde más baxó'l paru nel mes de xunu nel conxuntu de tol estáu, acordies colos datos oficiales del serviciu públicu d'emplegu. Con una menguaddel 6,36% el paru n'Asturies queda agora en 54.014 persones, 3.667 menos que nel mes de mayu. Ello amás con una cifra de creación d'emplegu que foi la segunda más alta del estáu y superada namás por Madrid. La variación interañal ye del -7,61%, rexistrándose un descensu de 4.447 persones na lista del paru respective a xunu del 2004.

Como ye vezu nestos meses de branu, el sector servicios foi'l que más puxó pola baxada del paru, siendo responsable de 2.800 colocaciones, anque tamién industria y construcción presentaron númberos positivos. Por xéneros la cosa ta más desequilibrada, col paru masculinu baxando más que el femeninu, y asina ye que'l 62% de los paraos asturianos son muyeres, mientres que per estayes d'edá, el grupu que meyor funcionó foi'l d'ente 25 y 45 años, anque se dio baxada en tolos grupos. En cuantes al tipu de contratu, de los 29.431 que se firmaron en xunu, 2.077 (7,06%) foron indefiníos, 26.877 (91,32%) temporales y 477 (1,62 %) formativos.
Ver datos na web del INEM