El biltu de Llaviana acumula yá 25 casos

L'orixe son dos rapazos que contaxaron a persones del so entornu familiar y social.

El biltu de Llaviana al que nun primer momentu asociábense una decena de casos algama yá los 25 afeutaos, según ta acabante de comunicar la Conseyería de Salú. Toos son asintomáticos o tienen sintomatoloxía leve, con edaes ente los 14 y los 68 años, y tán n'aisllamientu domiciliariu.

D'igual forma, tolos sos contautos estrechos tán en cuarentena a la espera de los resulatos de les PCR yá prauticaes. Hasta'l momentu nun s'identificó tresmisión comunitaria venceyada con nengún establecimientu d'ociu o restauración.

En Llaviana, ente'l 8 y el 15 de setiembre, detectáronse 31 casos, de los que 25 tán venceyaos con esti biltu.