El Barucu anuncia que va pesllar a finales del mes de setiembre

L’históricu chigre xixonés El Barucu va pesllar a finales d’esti mes. Los sos responsables fixeron l’anuncia al traviés de les redes sociales y adelantaron que tán preparando conciertos pa despidise de los sos veceros.

“Nos vamos chavalería, El Baruku piesllará a finales d´esti mes de setiembre. Fadremos un pocu de ruidu con algunos de los collacios músicos que pasaron por el bar. Ya vos daremos información. Gracies”, reza l’anuncia espublizada esta mañana nel perfil en Facebook d’esti establecimientu xixonés establecíu na cai Almacenes dende hai llustros, primeru nun llocal pequeñu asitiáu al principiu de la vía del barriu d’El Carmen y, dende hai unos años, nel númberu 8 nun establecimientu mayor.

El Barucu, chigre frecuentáu por asturianistes, va entamar una dispidida con un fuerte pesu musical. Asina, dellos grupos y artistes actuarán nestes xornaes caberes nel establecimientu hosteleru xixonés.