El Bancu Central Européu xube los tipos d'interés un 0,5 por cientu

Ponse fin a 11 años ensin aumentu del preciu del dineru cola intención de controlar la inflación.

Christine Lagarde, presidenta del Bancu Central Européu (BCE), comunicó la decisión d'aumentar los tipos d'interés nun 0,5 por cientu tomada güei nun conseyu estraordinariu. Un movimientu que ye'l doble de lo previsto, yá que s'anunciara una medra del 0,25 por cientu, y que podría complicar el crecimientu económicu.

Con él preténdese frenar la inflación y asitiala a mediu plazu nel 2 por cientu. En xunu la media de la zona euro foi del 8,6 por cientu.