El 68 por cientu de los llectores d’Asturies.com va dir a la fuelga

La convocatoria de fuelga xeneral del xueves, según anuncien los sindicatos, va tener un siguimientu importante. Sicasí, el ‘Conceyu Abiertu’ d’estes selmanes apunta qu’un 68 por cientu de los nuesos llectores va parar el 29-M.
 
Por contra, un 27 por cientu de los usuarios d’Asturies.com asegura que va dir al so puestu de trabayu mañana, mentes qu’un 5 por cientu señaló que diba tomar la so decisión a última hora. Unes cifres que tán lloñe del 87 por cientu del siguimientu que tuvo la fuelga xeneral última n’Asturies, celebrada’l 28 de setiembre del 2010, según los datos manexaos polos sindicatos.   
 
Dende yá, los nuesos llectores pueden votar nun ‘Conceyu Abiertu’ nuevu. Nesta ocasión queremos saber cuála ye la so opinión sobre los resultaos eleutorales del 25-M.