Editáu un llibru sobre les representaciones d'instrumentos nel arte asturianu

Florentina Cuadriello Sánchez, más conocida como Tina, la curdionista del desaparecíu grupu "Balandrán", ta acabante de presentar un llibru perinteresante sobre la representación d'instrumentos musicales nel arte asturianu.

El llibru fai un repás dende'l prerrománicu hasta 'l barrocu, exactamente hasta 1800. Nel entamu llibru topamos una pequeña esplicación de que metodoloxía siguió pa facer el trabayu, asina como les fontes d'información qu'usó. Más p'alantre hai una especial atención a los capiteles de les ilesies romániques y prerromániques, ya que nestos abunden les representaciones de panderos, cordófonos y aerófonos. Tamién hai un capítulu bien llargu sobre la catedral d'Uviéu; el claustru de la mesma, la sillería del coru,...etc, tienen dellos d'instrumentos que los adornen.

Nel renacimientu y nel barrocu siguimos topando casos na catedral d'Uviéu, pero tamién hailos n'otres ilesies y horrios. El llibru nun solo fala de representaciones n'elementos arquitectónicos; estudia tamién la pintura, la heráldica y documentos como'l famosu Llibru de la Regla Dorada del archivu de la catedral d'Uviéu.

El trabayu vien rematáu con una serie de llamines; estes presenten caún de los casos topaos en forma de ficha, con una semeya y dellos datos téunicos como llocalización, cronoloxía..etc. La edición ye billingüe (asturianu-castellanu), y ta espublizáu pol Muséu del Pueble d'Asturies de Xixón cola collaboración de la Fundación de Cultura de Xixón.

Contador Estadistiques