Ecoloxistes presenta alegaciones contra la térmica d'Avilés

El colectivu d'ecoloxistes d'Avilés ta acabante de presentar
alegaciones la tramite de suxerencies del proyectu d'instalación de dos
grupos térmicos por parte de la empresa Isolux-Wat.



Les alegaciones van dirixíes al Ministeriu de Mediu Ambiente, y
quieren torgar la construcción de dos grupos térmicos a gas que
supondríen 800/1000 Mw de potencia, que ye más de 40 veces la
potencia de la térmica que taba ellí funcionando
-Ensidesa-Aceralia- hasta esti añu.



Pa los colectivos ecoloxistes estos equipamientos enerxéticos
namás que diben valir pa empeorar el problema de la mala calidá
del aire que sufre la comarca avilesina, que supón que parte de la
población careza de problemes respiratorios y circulatorios. Poro
dende'l Colectivu Ecoloxista d'Avilés espera que s'atienda a les sos
argumentos meyor que los partíos de la corporación avilesina que
sofiten el proyectu. Proyectu que pal colectivu diba tener un coste medio
ambiental mui altu, y una nula xeneración de riqueza yá que la
planta ta previsto que nun cree más de 30 puestos de trabayu.