DuPont anuncia inversiones p'Asturies

La multinacional Dupont va construyir una fábrica nueva en Tamón y va ampliar la capacidá de la de Nomex. Los dos proyectos de la empresa química van suponer una inversión de 78 millones d'euros y van enanchar nunen 30% la capacidá actual de la planta de freba Nomex, que va acompañase d'una planta de cloruru d'Isoftalolio (ILC), ún de los compuestos quese precisen pa fabricar la freba igfnífuga Nomex.


El director xeneral del de DuPont Asturies Enrique Macián Cardete esplicó que los proyectos nuevos van suponer la contratación de 50 trabayadores, los más d'ellos d'estremaes rames de la formación profesional. El director de Dupont pa Europa, Oriente Mediu y África na estaya de frebes avanzaes Nicolás Cudré-Maroux, esplicó que los bonos resultaos de la planta d'Asturies llevaron a la empresa pa tomar esta decisión, dempués de duldase muncho si llevar la inversión pal Asia. El presidente asturianu Vicente Álvarez Areces congracióse pola llegada de los dos proyectos de Dupont, asegurando que "con esta anuncia esbórriense munches voces pesimistes de xente que falaba d'un riesgu de deslocalización d'empreses".

Les instalaciones de Du Pont n'Asturies empleguen agora mesmo a 1.100 trabayadores. Los directivos de la empresa apuntaron al nivel de capacitación y al funcionamientu penriba de la producción estimada de la fábrica asturiana como factores que condicionaron la inversión.