Duerna participa esti sábadu na final del concursu cántabru Escenario Prau

|

El grupu Duerna va participar esti sábadu na final del VI Concursu de Música Folk Escenario Prau. Los asturianos van competir nel Teatro Casyc de Santander colos murcianos Lokolé y los cacereños Barrunto Bellota Band.
 
Cada banda va tener 40 minutos pa mostrar parte del so repertoriu al públicu presente y convencer al xuráu de que son merecedores del primer premiu. El ganador va recibir 1.500 euros; el segundu clasificáu, 1.000; y el terceru, 800. Na final, que va principiar a les 19.30 hores, tamién van actuar los llocales Banduca Traslarroza.
 
Los competidores de los llangreanos son Lokolé, una banda que bebe de los raigaños africanos, y Barrunto Bellota Band, con un estilu ente’l jazz y el folk que tien influencies balcániques y klezmer. Estos tres grupos foron escoyíos ente un total de 23 participantes de dellos países entes les que s’atopaben Mezá, formación de Bual que llegó hasta les semifinales.

Contador Estadistiques