Du Pont mete tixera

DuPont, la multinacional estadounidense del sector químicu, dio anuncia de que va despedir a 3.500 trabayadores, el 6% de la so plantiya global, col oxetivu d'aforrar 754 millones d'euros d'equí al 2005. Los despidos van centrase sobremanera en fábriques de Norteamérica y Europa Occidental, y l'axuste promete ser duru en cuantes que namás 500 de los empleos que se destruyan van ser por baxa natural y tolo demás vaser por despidu directu.

Sábese que l'anuncia de Du pont incluye 25 despidos na península ibérica, pero según declaró ayeri'l Presidente asturianu, que dixo que va poco faló col el Presidente Mundial de DuPont,
Chad Holliday, nun va haber despidos nes fábriques asturianes de la empresa asitiaes en Tamón.


Du Pont llegó a Asturies en 1990. Con tol sofitu institucional, la planta de Tamón presentóse énte la sociedá asturiana como una inversión clave pa salir de la crisis. Anque anguaño nun ufierta tola cantidá de puestos trabayu que prometió de la que vieno, alredor d'ella abeyen más de trenta empreses contratistes. Dupont procesa n'Asturies la freba Nomex, Tetrahidrofuranu, componente de la Lycra, y productos fitosanitarios.