Dragados va encargase del reforzar la proteición del puertu de Llastres

|
Llastres

Les obres van allargase per un añu.

La Conseyería de Medio Rural y Cohesión Territorial ta acabante d'axudicar a la empresa Dragados les obres pa reforzar la proteición frente al folaxe del dique del puertu de Llastres. Los trabayos van centrase na instalación de 378 bloques de formigón de 60 tonelaes y otros 20 de 40, una colocación que va llevar tamién a la recuperación y reubicación d'otros 30 bloques de 40 tonelaes yá presentes nel llugar.

El pasu del tiempu y les corrientes foron moviendo les pieces que formen la barrera protectora, polo que resulta fundamental facer una nueva recarga pa torgar les filtraciones. La inversión pa la execución d'esta actuación algama los 3.177.350 euros.

Contador Estadistiques