Dos meses del Prestige

Faen güei dos meses del accidente del Prestige, que tres d'una selmana al debalu acabó yendo a pique. Conozse como sigue'l restu de la historia y les sos consecuencies, pero ello nun quita pa que la mayor catástrofe ecolóxica dende Chernobyl tea morriendo na opinión pública. Ye por ello que colectivos ecoloxistes ficieron un llamáu diciendo que la cosa nun acabó nin muncho menos y que lo del Prestige nun foi un accidente, sinon una consecuencia de como ta montáu el tresporte marítimu. Otramiente, Comisiones Obreres de Galicia presentó un estudiu propiu, partiendo de los que se ficieron pal Erika y l'Exxon Valdez, sobre como dañó la marea negra a la economía gallega. Les cuentes del sindicatu faen un total de 3.000 millones d'euros en daños directos, ensin contar lo que va facer falta pa rexenerar la costa. Más información nel especial del portal gallegu VieirosMientres n'Asturies, la mancha más grande de galipote ta un poco más cerca del Cabu Peñes, anque de momentu parez que va aguantar onde ta, a unes 60 milles de la costa, pero ello nun quita pa que tolos díes se repita'l mesmu parte de daños con trenta y pico playes afectaes oficialmente pola llegada de restos de galipote. Güei son trenta y seyes playes les que necesiten atención.