Dixebra y los Berrones nes fiestes de Llatores

Llatores entamen les sos fiestes esti fin de selmana, romería y música asturiano van ser protagonistes nesta parroquia uvieina.

Les fiestes entamen esti sábadu día 4 con dos clásicos como son un chupinazu y un partíu de solteros y casaos. Pa la nueche ta reservada la música d'orquesta a eso de les 23:00 hores, pero a les 00:30 la nueche da un reblagu musical cola actuación de "Los Berrones". Al día siguiente domingu, tenemos un día típico de fiesta en cualesquier pueblu asturianu, con repartu del bollu incluyío. La diferencia en Llatores va tar en qu'a les 18:00 hores va inagúrase un "Mercáu d'antañu", onde va haber malabares, pasacais y bailles tradicionales col grupu "Xeitu". A les diez de la nueche dientro'l mercáu van tocar "La Bandina'l Tombo", que tan acabantes de sacar cd cola casa "Tierra Discos". Más tarde, pa les doce la nueche va entamar una nueche folk coles actuaciones de "Los Gatos del Fornu" y "Dixebra". Les fiestes en Llatores lleguen hasta miércoles día 8, pa saber de tolo que tienen preparao pa estos díes lo meyor ye entrar na so web y echar una güeyada al programa.