Dixebra y Folkgando van de "trasumancia"

Nun ye qu'estos dos grupos-yos diera por cambiar de vida, más
bien ye que van participar el próximu mes de mayu nel
Festival
Transhumances Musicales, que celebrase en Navarrenx (al suroeste de
Francia).

El Festival Transhumances Musicales nació como un festival
d'agrupaciones corales, pero de va poco tiempu p'acá, abrióse tamién a
la música de calter atlánticu, dedicando-y, esta vegada,
la so edición a
Asturies. El festival entamará'l 7 de mayu , y el día 10
actuarán Dixebra y
Folkgando,
y el día 12 actuarán la Banda de
Gaites Villa d
'Avilés y el grupu
Esbardu.

Estos dos conciertos pa estes bandes asturianes nacen de los contactos
qu'hubo durante la última edición del Festival
Intercélticu d'Avilés, lo que demuestra la importancia de dir
creando una rede d'eventos, festivales, xornaes, al traviés de los
cualos empiece a conocese'l potencial y calidá de les bandes qu'actuen
per Asturies, que normalmente vense obligaos a funcionar nunes llendes xeográfiques
bien estrenches.