Dixebra torna al direuto con un conciertu en Salas

|
Dixebra

L'actuación va tener llugar na plaza la Colexata.

La situación actual poles restricciones pola COVID-19 dificulta la posibilidá de ver a bandes habituales nos escenarios d'Asturies. Ye'l casu de Dixebra, que va poner mañana en Salas el so segundu conciertu del añu.

Va ser a les 21 hores, dientro de la programación de 'Asturies Cultura en Rede', na plaza la Colexata. El públicu va tar sentáu pa cumplir coles midíes de seguranza, con aforu llendáu y distancia interpersonal ente los asistentes.

Dixebra ta anguaño preparando'l que va ser el so decimoséptimu trabayu, l'álbum conceptual con formatu de discu-llibru 'Ente la niebla'. La previsión de la banda avilesina ye entamar la so grabación n'estudiu depués del branu.

 

Contador Estadistiques