Dixebra tien una cita doble per San Xuan

Toca na foguera de Tresona y en Valmori.

Dixebra toca esta nueche, tres la quema de la foguera, en Tresona dientro de la programación de Corvera pola Nueche de San Xuan. La folixa, dedicada esti añu a la minería, va principiar a les 22.30 hores con un ‘Conciertu a la Deva’ protagonizáu por Bras Rodrigo, pa depués dar pasu a un espectáculu de Producciones Nun Tris, tamién de temática alredor de la mina. Depués de los avilesinos, el turnu va ser pa la orquesta Clan Zero.

La población llanisca de Valmori celebra estos díes les sos fiestes patronales, nes que Dixebra van tocar mañana xunto a les orquestes Pasito Show y Costa Norte nuna romería que va comenzar a les 22.30 hores. Estos festexos compiten col Primer Festival Rociero en Llanes, que trai güei a Los Chunguitos y mañana a Azúcar Moreno, lo que provocó les quexes de la comisión de fiestes y de munchos vecinos del conceyu al coincider en feches.

"Creemos qu'hai munchos más díes llibres de festexos pa la celebración de dicha fiesta, ensin que sía necesariamente un día nel que se celebra una fiesta tradicional de les munches qu'hai a lo llargo y anchu del nuesu conceyu. D'igual forma, paeznos una falta de respetu total hacia les tradiciones", espresaron nel so momentu al conocese la organización del certame rocieru.