Dixebra, ganchu musical na Selmana de la Mocedá de Turón

Esta tarde inaugúrase en Turón la yá tradicional Selmana de la Mocedá, que llega con esta a la so X Edición. Col patrociniu del Conceyu y de Caxastur, esta selmana crez hasta superar toles ediciones anteriores n'actividaes programaes. Campeonatos de deportes, conferencies, actividaes de tiempu llibre, concursos de graffiti, presentaciones de llibros y revistes y proyecciones de cine, ente les que rescampla la presentación en casa del documental sobre Mieres "nenyure" de Jorge Rivero, van tomar l'escaecíu valle del conceyu de Mieres, ún de los más dañaos pola reconversión y el pieslle de les mines de carbón.

La música va ser tamién ún de los ganchos d'esta selmana, que va incluyir delles actividaes musicales d'equí al domingu, como l'alcuentru de bandes de gaites o'l conciertu que van dar el sábadu los raperos Dark la Eme, Vuelta Abajo, Lakra,Version 2.0 y Al pie de la letra, anque ensin dulda nenguna lo más importante d'esta selmana va ser l'actuación el vienres 20 de los grupos La Col.lá Propinde, Skanda, Tejedor, Dixebra y Nuberu.
Ver el programa completu