Dixebra anuncia un cambiu de batería

Cambareli dexa la banda depués de 15 años.

Dixebra, que ta preparando'l que va ser el so discu nuevu, el décimu d'estudiu, cambia na so formación, estable na década última. Va ser na batería, onde se suma Sergio Álvarez, músicu bien conocíu na escena asturiana, sobre manera por formar parte de Crudo.

L'actual intérprete del instrumentu, Jorge Cambareli, que llegara a la banda nel 2005 tres la salida d'Isra Sánchez pa dedicase íntegramente a El Sueño de Morfeo, abandona Dixebra "pa entamar dellos proyectos personales que, de xuru, van engrandecer tovía más la so carrera", espliquen dende'l grupu avilesín. "Pola nuestra parte namás que queda desea-y tola suerte del mundu y agradecer fondamente la so dedicación y llealtá a la banda tou esti tiempu", agradecen.