Discu nuevu pa Vendaval

El grupu heavy asturianu "Vendaval" tan acabante d'espublizar nel mercáu español el so segundu discu "Mi otra mitad"

Esti trabayu, que saliere yá a últimos del 2004 pal mercáu mexicanu, supón el segundu na carrera de "Vendaval" y el cuartu na historia del grupu, qu'asoleyare otros dos trabayos baxo'l nome de "Northwind". Cinco años dempués de crease'l grupu, la formación que componen anguaño Txema Trinidad (voz), Miguel Fernández (baxu) Fernando Argüelles (batería) y Luis Fernández (guitarra) declaren que quieren desmarcase de la etiqueta del " "epic power metal" na que tuvieron metíos hasta agora, marcada poles lletres en castellanu basaes na lliteratura épico de dragones y caballeros. En cuenta d'ello, "Vendaval" dicen que quieren " sorprender" con un amiestu de heavy metal tradicional con ritmos duros, temes directos y potentes, ensin igües orquestales y con lletres de conteníos distintos, anque siempre en castellanu.

Como dende l'aniciu del grupu, ye la casa de discos guipuzcoana GOI Music la que va llevar la distribución d'esti discu, que se grabó nos estudios Eclipse cola ayuda técnica de Dani Sevillano.Como declaren ellos mesmos "Con Vendaval, vuelve'l poder del Heavy Metal"
Más información na web de Vendaval