Discu de Corquiéu

Yá ta a la venta l'esperáu discu de Corquiéu col títulu de "La Barquera" editao pola discográfica L'Aguañaz. Depués de la so participación nel discu "Nueva Xeneración Folk" de la mesma discográfica, el públicu del folk asturianu taba pidiendo un trabayu en solitariu d'esti grupu.Nesti discu, producío por Rubén Bada y Sergio Rodríguez, abunden les composiciones propies, amas de pieces tradicionales iguaes pol grupu. Ye un discu onde manda la gran velocidá cola que se toquen les pieces y la voz de la so cantante Gema García, nun discu d'once cantares onde cinco son cantaos, con delles lletres de Xandru Martino Ruz y una de Xandru Martínez.Los aficionaos a Llan de Cubel notaran un soníu enforma asemeyao al del grupu de Cuideiru nel discu de Corquiéu, tanto pola velocidá como polos arreglos. Una propuesta dende Ribesella que nun pué escaecer l'aficionáu al folk mas contundente.

Contador Estadistiques