Dimite'l gobiernu holandés

El macroxuiciu a Slobodan Milosevic ta valiendo pa revolver tolo que nun se supo nel so día sobre la guerra en Yugoslavia. Ún de los argumentos más fuertes contra Milosevic, la matanza de Srebenica, na que tropes serbies mandaes por Ratko Mladic masacraron a más de 7.000 bosnios ente la pasividá de la ONU, acabó por volvese contra'l tribunal y chiscó a la mesma ONU y a l'estáu holandes, que yera'l titular de los Cascos azules que vixilaben la zona.La selmana pasada, un informe sobre la matanza del Institutu holandés pa la Documentación Sobre la Guerra asoleyaba datos que se callaren en xunetu de 1995. De mano, l'informe esclaria que los soldaos holandeses, ataos de pies y manes pola curtia autoridá que-yos daba la ONU, nun pudieron facer un res por evitar l'ataque. Pero l'informe va más allá, esplicando que los bosnios, enfotaos en que Srebenica yera "zona segura" provocaron a los serbios dende dientro la ciudá.D 'entós p'acá, la masacre de Srebenica ye una vergoña pal gobiernu holandés, qu'ayeri dimitió en pleno tres conocer l'informe, de más de 7.000 fueyes y nel que tamién diz que'l Ministeriu de Defensa Holandés esmució información a los investigadores. Sicasí ye una dimisión más simbólica qu'otra cosa, porque n'Holanda toquen elecciones pal mes qu'entra.